اهل العراق
اهلا و سهلا بك عزيزي الزائر اذا كانت هذه زيارتك الاولى للمنتدى فتفضل بالتسجيل اما اذا كنت مسجل من قبل فتفضل بالدخول

اهل العراق

منتدى عراقي شبابي(شباب&بنات)
 
الرئيسيةالرئيسية  اليوميةاليومية  س .و .جس .و .ج  التسجيلالتسجيل  دخولدخول  الاشراف  
المواضيع الأخيرة
» نتائج القبول المركزي للمرحله الأعداديه 2010_2011
الأحد أكتوبر 10, 2010 6:35 pm من طرف فاقد الحب

»  "مورينيو هو المدرّب الذي كان ريال مدريد بحاجة إليه"
الخميس أكتوبر 07, 2010 3:22 am من طرف فاقد الحب

» يوم الزفاف وليد الهاجري (( لاهل البواااري))
السبت أكتوبر 02, 2010 10:16 pm من طرف فاقد الحب

» سر النجاح ولكم المحاورة
الثلاثاء سبتمبر 28, 2010 6:13 pm من طرف امين العراقي

» اوضاع العراق بعد 2060
الثلاثاء سبتمبر 28, 2010 2:53 am من طرف alaatify

»  قصدة أغداً ألقاك رائعة الشاعر السوداني الهادي آدم التي غنتها الفنانة الراحلة أم كلثوم..
الثلاثاء سبتمبر 28, 2010 2:52 am من طرف alaatify

» لاتحكم على الناس من قبل معرفتهم
الثلاثاء سبتمبر 28, 2010 2:50 am من طرف alaatify

» الحب و الخيانه
الثلاثاء سبتمبر 28, 2010 2:49 am من طرف alaatify

» دارميات جديدة اتمنى ان تنال رضاكم
الثلاثاء سبتمبر 28, 2010 2:48 am من طرف alaatify

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
أفضل 10 أعضاء في هذا المنتدى
alaatify - 48
 
امين العراقي - 42
 
فاقد الحب - 16
 
-الملكة- - 7
 
علي ايطاليا - 1
 

شاطر | 
 

 السلام عليكم جبتلكم الابوذيات اتمنى تعجبكم ارجوا المشاركة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
alaatify
مشرف
مشرف


ذكر الجوزاء عدد المساهمات : 48
تاريخ التسجيل : 14/09/2010
العمر : 38
الموقع : اهل العراق

مُساهمةموضوع: السلام عليكم جبتلكم الابوذيات اتمنى تعجبكم ارجوا المشاركة    الثلاثاء سبتمبر 14, 2010 4:24 pm

مصايب غربتي بهجرك لوني"
أفرح وأنسعد وأرجع
لوني"
أمنيتي من العمر يمك لو أني"
تواسيني وتضمد جروحي ليه...........؟




على عرش الگلب حبك تملك
عزيز ولا تضن روحي تملك
البدر من شاف وجناتك تملك
اخلط نوره ونور خدك سويه ............؟




واساني ابيوم حزني بوردة حمرة
وموش خدود عندة وردة حمرة
بيدي ارد اكحلنة وارد احمرة
وابوسنة واصيحن هاي هية..............؟



شامخ دوم لا اهتز ولا... ميل
اومثل ميل الثواني ابد ما مل
اذا ميلين دربك صار مو ميل
اجيك ازحوف يالغالي عليهم ............؟



ارسم من دمع عيني ورد لك
واكطع من ورد كلبي ورد لك
اغيب شما اغيب تالي وردلك
لان انت الوحيد الغالي عليه............؟



تراني بخيط شوكي دستريتك
ومثل دستور شعبي دستريتك
يريتك موش واحد دسته ريتك
اضل انضر واعد والمس بديه...........؟



تظل صاحب فضل وشكبر فضلاك
وخلگي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه.........؟



نص احترك من هجرك ونص طاف
وغركت انه بحر بحبك ونص طاف
يريت المدرسه ترجع ونصطف
وابدلك بالعلم واخذلك تحيه..........؟



الوكت مايوم منة حيراني
الصطرني بس جمالك حيراني
اموت ويمر شخصك حي يراني
بنضر عينك ترد الروح الية..........؟



قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية...........؟



بجيت اعليك فص عيني وهدباي
وانه ازحوف اعتني الشخصك وهدباي
الدرع والسيف خليني وهد باي
تطك تنطك يكلهه اتصير بيه..........؟



أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه.........؟



السبب مو باللي تدرس ب بستة
وعطر جوري اشمن بالبستة
تكلي ما بستهة بل بستهة
وبوستهة لهسة تبوس بية..........؟



روحي ضيعت صولي وزاري
اشد بوزارهه وينحل وزاري
امتحاني دون كل ربعي وزاري
وضيم ايوب اجه مشرف عليه ..........؟



زماني وي العواذل صفنا..وعدنا

وماأذكر بيوم أخلفنا ..وعدنا

إن جارت لياليك إحسبنا ..وعِدنا
...
تلگينا يمك أحنا أهل الحمية..........؟



هلالك بالسما عالي وسامي
ويظل حبك على صدري وسامي
كثير وجوه عاشرنا واسامي
تظل انت الوحيد الغالي عليه..........؟



صرت صياد لعيونك وشباج
وكللبي بي فرد نفذة وشباج
مثل كومة حطب صرتي واشبج
واحركج واحرك العرفج بي..........؟



ياخذني الدرب عنكم وارد بيه
ودربي من الدمع خضر ورد بيه
مكتوب الوفا عندك ورد بيه
نظل احباب لأخر نفس بيه.........؟



زماني كل عدل مابيك وانصاف
وانة الحكي يصر ارباع وانصاف
دخل ننطبك انة وياك ونصف
روح بروح نطبكة سوية.........؟



ردت طيفك يلوح بيوم ما لاح
وطعم فرگاك صار هواي مالح
بعد مادز رسالة وأبد ماألح
لان كلما أدز مترد عليه.........؟



مره اشوفكم مشمش...مره تين
وكلبي مو مره حب...مرتين
العنده مره هلكان وانه...مرتين
وحده ترفع والثانيه تكبس عليه........؟



وحق الما وصل واحد مكانه
تدري شكد الك عندي مكانه؟
الكلب شلته وصرت انت مكانه
ونبض البيك هو النفس بيه.........؟



اريد امشي نهار الصييف واسعة
على ام حلك الزغير وعين وسعة
ياحفار الكبر بله عليك وسعة
بلكي تصير موتتنة سوية...........؟



وكع ميزاني من حملك والك دك
وكلبي المايدك لحد والك دك
جهازي اتصل من كيفة والك دك
لان اثنينة انحبك سوية...........؟



ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه.........؟




بالمحبـــوب أفكر ليـــل وانهار..
ودمع عيني بغيابك بحر وأنهار..
جبل آنه بمحبتك طاح وأنهار..
لأن حبك زلازل ومر عليه........؟



لا تعتب عليه اليوم منــــــــــــــــــــطر
وصبح كلبي بسبب فركاك منـــــــــطر
لا لتظن عجيبه الفيل مـــــــــــــن طار
بس اعجب عجيبة اترد علـــــــــــــــية.........؟



العشك نزفنة كلش وا دمانة
وصفت ماتعرف تحب وادمانة
انة الماريد حواء وادم انة
حتة انقذ الناس من الاذية..........؟



أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه...........؟



قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية............؟



يا دنيا بعطر مخلوط سمـــــــــــــــــاج
وحكيم اللي خسيسة طبع سمـــــــــــاج
تالي الوكت صرت اشتغل سمـــــــــاج
حكة السمج يضحـــــــــــــــك علية..........؟



حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه..........!!!!!!؟



تحياتـــــــــــــــــــــــي العاطفي
الرجوع الى أعلى الصفحة اذهب الى الأسفل
http://www.facebook.com/profile.php?id=100000957646919
امين العراقي
الادارة العامة
الادارة العامة


ذكر الثور عدد المساهمات : 42
تاريخ التسجيل : 04/09/2010
العمر : 20

مُساهمةموضوع: رد: السلام عليكم جبتلكم الابوذيات اتمنى تعجبكم ارجوا المشاركة    الثلاثاء سبتمبر 14, 2010 4:38 pm

الله عليك ابوذيات رائعة و تستحق التثبيت
الرجوع الى أعلى الصفحة اذهب الى الأسفل
http://ahlaliraq.7olm.org
alaatify
مشرف
مشرف


ذكر الجوزاء عدد المساهمات : 48
تاريخ التسجيل : 14/09/2010
العمر : 38
الموقع : اهل العراق

مُساهمةموضوع: رد: السلام عليكم جبتلكم الابوذيات اتمنى تعجبكم ارجوا المشاركة    الأربعاء سبتمبر 15, 2010 1:13 am

تسلــــــــــــــــــــــــم ع المرور تحياتــــــــــــــــــــــــــــــي
الرجوع الى أعلى الصفحة اذهب الى الأسفل
http://www.facebook.com/profile.php?id=100000957646919
 
السلام عليكم جبتلكم الابوذيات اتمنى تعجبكم ارجوا المشاركة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهل العراق :: القسم الادبي :: منتدى الشعر الشعبي-
انتقل الى: